SPEECH OF VICE PRESIDENT NOLI DE CASTRO

27th Catholic Mass Media Awards

24 October 2005

congratulate the awardees of the prestigious catholic mass media award --- now on its 27^th year of continued dedication to the promotion of effective and responsible media communication.

SALAMAT DIN PO sa inyong paanyaya sa akin upang maging panauhing pandangal at tagapagsalita NGAYONG GABI. Napakalapit sa puso ko ng CMMA sapagka’t ako ay naging bahagi ninyo, “not once but twice.”

Noong 1988 ay napiling Best Public Affairs Program ang “Magandang Gabi Bayan.” Bumalik kami dito noong 1992 bilang Best “News Magazine.”

Bukod pa rito, talagang mahalaga sa akin ang anumang may kaugnayan sa media. Hindi naman lingid sa inyong kaalaman na sa industriyang ito ako nakilala at dito ko HINUBOG ANG AKING PAGKATAO AT ITO RIN ANG IBINUHAY KO SA aking pamilya. dito rin ako natuto ng maraming aral --- mga aral na hanggang ngayon ay binabalik-balikan ko, lalo na kapag ako ay nahaharap sa matitinding pagsubok.

Kapangyarihan ng Media

        Bakit nga ba malaki ang naging epekto sa buhay ko, sa buhay natin, Ang mass media?

Ito ay sa dahilang Taglay ng mass media ang kakaibang kapangyarihan na di tulad ng kapangyarihan ng pamahalaan O NG MGA NASA PAMAHALAAN o ng mga ahensiya nito.

Ang institusyong politikal ay may kakayahang ipatupad ang anumang alituntunin na sa palagay ng mga namumuno ay makabubuti sa lahat. halimbawa, marami ang tumututol sa expanded O REFORMED value-added tax. Merong nagpetisyon sa korte, merong sumigaw sa kalye. MERONG GINAMIT ANG MEDIA. Subali’t kapag nagsalita na ang mga institusyong itinakda upang magdesisyon tungkol sa eVAT, wala ng magagawa ang kumokontra dito kundi tanggapin ito. at ang pinanghahawakan na lamang ay ang pangako ng gobyerno na sa katagalan ay makakatulong sa ekonomiya ang eVAT.

various institutions recognize the critical role played by media in communicating and advocating issues and concerns. ang papel ng media ay ang magpaliwanag at magkumbinsi.

Sa isang banda, may karapatan pa rin ang sino mang nakikinig, nanonood, o nagbabasa na maniwala o hindi, sumunod o kumontra.

Sa kabilang banda, kapag paulit-ulit ang balita, KAHIT HINDI TOTOO, parang nagiging totoo na rin ito sa paningin O PANDINIG ng taongbayan. KAGAYA NG SINABI NI CHAIRMAN MAO TSE TUNG “ A LIE REPEATED A HUNDRED TIMES BECOMES THE TRUTH.”

KAYA NGA, Kayang hubugin ng mass media ang paniniwala ng mga tao.

At dito PINATUTUNAYAN ang tunay na lakas ng mass media. Tulad ng panulat ng ating mga bayani noong panahon ng pananakop ng mga dayuhan, matalas at epektibo ang mga ideyang maaaring itanim ng media sa isipan at damdamin ng mga tao.

Nakatago subalit napakatindi ng ganitong klaseng kapangyarihan. Sa maling kamay, puwede itong abusuhin.

Paglalantad sa Katotohanan

this year’s theme –-- the communications media: at the service of understanding among peoples --- is, indeed, timely. now, more than ever, is the time for us to advocate for responsible media.

Tayong mga nasa media ay dapat maging patas sa paglalantad ng impormasyon at opinyon tungkol sa mga nangyayari sa ating paligiD.

Kung ang inilalahad natin ay balita, dapat itong maging totoo. Dapat kunin ang magkabilang panig. Dapat maging neutral. at Dapat merong validation, o ang paniniguro sa laman ng balita. AT MAS MAGANDA KUNG SASAMAHAN NG RESEARCH O INVESTIGATION.

Kung opinyon naman, dapat maging maliwanag sa lahat na ito ay paniniwala ng nagsasalita. Hindi dapat magtago ang pagbibigay ng opinyon sa likod ng mukha ng balita. walang puwang ang pagbibigay ng opinyon na nagkukunwaring balita sa makabago at responsableng pamamahayag.

Subalit puwede ba talaga ito?

Para sa akin, ang sagot ay oo, puwedeng-puwede. Kailangan lamang ng dedikasyon sa paghahanap sa katotohanan. Sa puntong ito, nais kong balikan ang paulit-ulit na ring debate sa kung ano ba talaga ang totoo.

Alam natin na isinisigaw ng IBA NATING MGA KABABAYAN na dapat ilabas ang katotohanan. At ito rin ang sagot ng Administrasyon --- na dapat ilabas ang buong katotohanan.

Para sa akin, isang mahalagang katangian ng katotohanan ang pagiging buo nito.

Walang kikilingan, maging kakampi man o kaaway ang maapektuhan. Walang itatago, sino man ang masaktan.

Tayong mga nasa mass media ay may responsibilidad na ilabas ang buong katotohanan. Sapagkat pilitin man natin itong itago, maging bahagi man tayo sa pagtatakip nito, naniniwala akong darating din ang araw na lalabas ang buong katotohanan. Kaya huwag na nating hintayin na kasaysayan pa ang humusga sa ating mga sinasabi, sinusulat, o ipinapalabas.

Pagbabago ng Pananaw

Marahil ganito ako magsalita ngayon dahil nakita ko na ang dalawang panig ng maraming isyu.

Inaamin ko na noong ako ay brodkaster pa lamang, meron din akong mga maling paniniwala tungkol sa pamahalaan at sa mga kawani ng gobyerno. Isa na rito ang paghusga sa mga naninilbihan sa gobyerno bilang corrupt at incompetent.

Maling-mali pala ito. Sa aking pagta-trabaho sa Senado at sa executive branch, nakita ko kung gaano karami and mga opisyal at kawani ng pamahalaan na merong pagmamahal sa bayan, na walang pansariling hangad maliban sa maayos na paglilingkod, at may kakayahang higit pa sa kanilang mga counterparts sa private sektor. Totoo ito: maraming magagaling at matitinong kawani ang ating pamahalaan. At dahil dito, napakalaki ng aking paggalang sa kanila.

Ngayon ko rin nararamdaman kung paano maging biktima ng mga maling paratang sa media. Para sa iba, mahirap isipin na ako na mismo na halos buong professional na buhay ko ay nasa media, ay nagiging biktima NGAYON. Pero ganito po talaga ang nangyayari.

Gayunpaman, napakalaki ng aking paniniwala sa KAhalagaHAN ng mass media. Kahit na merong mga pag-abuso O IRESPONSABLENG PAGGAMIT SA kapangyarihan ng media, isa itong importanteng institusyon sa lipunan. HINDI LANG SA ATIN KUNDI SA BUONG DAIGDIG.

Panawagan Para sa media

mga kasamahan ko sa media, ISANG MAHALAGANG PAALAALA: huwag nating kaliLImutan ang ating responsibilidad sa bayan at sa katotohanan.

Marahil kailangang pag-isipang mabuti kung ano nga ba ang dapat na maging papel ng mass media sa pag-unlad ng ating bansa. at Para sa akin, tungkulin ng media ang maging matatag at matapang na institusyon na nagsusulong ng katotohanan. Kailangan natin ito upang mapanatiling masigla at malakas ang ating demokrasya.

Mahalaga ang papel na ginagampanan nating mga nasa media sa pagsusulong nito. Sana po ay maging kabalikat NAMIN kayo dito.

Sama-sama po nating itaguyod ang katotohanan, at ang responsableng pag-gamit ng kapangyarihan ng mass media.

At this point, i wish to share with you a personal realization as i look back on my life as a broadcaster. now that i am a government official, i realized the power of media. how true, indeed, that the media can make or break a nation. that it can divide or unite social forces. and that it can also inflict pain on a person. such reflection is truly humbling. now i know better. and i have gained a greater understanding. with that, i join all of you in the advocacy for the promotion of responsible media.

MARAMI PONG SALAMAT!

AT MABUHAY TAYONG LAHAT!

                                                                                   HOME |   

© Copyright 2005 Office of the Vice President (OVP)  Management Information Services Division (MISD).  All rights reserved.