SPEECH OF VICE PRESIDENT NOLI DE CASTRO

NATIONAL NUTRITION COUNCIL (NNC)
NATIONAL NUTRITION AWARDING CEREMONY

PHILIPPINE ARMY OFFICERS CLUB HOUSE

OCTOBER 21, 2005

MAGANDANG HAPON SA INYONG LAHAT.            

AKO'Y NAGPASALAMAT SA NATIONAL NUTRITION COUNCIL AT KAY SECRETARY PANGANIBAN SA PAG-IMBITA NINYO SA AKIN DITO SA INYONG PAGPAPARANGAL SA MGA LOCAL OFFICIALS AT   BARANGAY NUTRITION SCHOLARS NA NAGPAMALAS NG NATATANGING GALING SA PAGPAPATUPAD NG NUTRITION PROGRAM.

NUTRITION AND THE BASIC NEEDS

KAGAYA NG ISANG TAO, O ISANG PAMILYA, ANG KATAYUAN NG ISANG BANSA AY NASASALAMIN SA KUNG NASAANG ANTAS NA ANG MGA PANGANGAILANGANG PINAGTUTUUNAN NG PANSIN NITO.

MATATANDAAN NATIN ANG ISANG LEKSYON NOON SA ESKWELA, TUNGKOL SA MASLOW'S HIERARCHY OF NEEDS.
 
AYON SA THEORY NA ITO, ANG MGA MAS MATAAS NA PANGANGAILANGAN NG TAO GAYA NG PAGMAMAHAL AT PAKIKISAMA, SELF-ESTEEM AT ACTUALIZATION, AY NABIBIGYAN LAMANG NG PANSIN KAPAG NAKAMIT NA ANG MGA PANGUNAHING PANGANGAILANGAN, GAYA NG PAGKAIN, PANANAMIT, AT KOMPORTABLENG LUGAR O BUBONG, AT IBA PA.

BILANG CHAIRMAN NG HOUSING AND URBAN DEVELOPMENT COORDINATING COUNCIL O HUDCC, ALAM KO PO KUNG GAANO KALAKI ANG PROBLEMA NG MGA PILIPINO SA KAKULANGAN NG MAAYOS NA PABAHAY -- ISANG PANGUNAHING PANGANGAILANGAN O BASIC NEED.

NUTRITION PROBLEM IN THE PHILIPPINES

AT NGAYON, SA IBINIGAY NA SITUATIONER NG NNC AY NAKITA KO NAMAN KUNG GAANO KASERYOSO ANG PROBLEMA SA NUTRITION SA BANSA.

MALINAW NA PAGKATAPOS NG MARAMING TAON, NAROON PA RIN TAYO SA BANDANG ILALIM NG MASLOW'S HIERARCHY OF NEEDS.

GAYONG MARAMI NA RING NANGYARING PAG-UNLAD AT PAGBABAGO SA BANSA,  ANG NAKALULUNGKOT NA KATOTOHANAN AT PROBLEMA PA RIN NG MARAMING PILIPINO ANG MGA BASIC NEEDS GAYA NG MAAYOS NA TIRAHAN AT TAMANG PAGKAIN.

MAGTATAKA KA TULOY KUNG BAKIT HINDI ITO ANG TINUTUTUKAN NG MARAMI SA ATING MGA PULITIKO.

MALALIM ANG KAUGNAYAN NG KAHIRAPAN AT KAKULANGAN SA NUTRITION.  HINDI  KO NA KAILANGANG IPALIWANAG IYAN DAHIL KAYONG MGA NARIRITO ANG MGA EKSPERTO SA USAPING IYAN.

KAMAKAILAN AY NAPABALITA NA NAMAN ANG MABABANG PERFORMANCE NG MGA ESTUDYANTENG PILIPINO SA MGA STANDARDIZED TESTS.

AYON SA ATING EDUCATION OFFICIALS, ISA LANG SA BAWAT LIMANG ESTUDYANTENG NAG GRADUATE SA ELEMENTARY LEVEL ANG MAY SAPAT  NA KAALAMAN SA LAHAT NG MGA SUBJECTS.

SA HIGH SCHOOL AY MAS MABABA PA DAHIL WALA PANG ISANG PORSIYENTO,  O .48 PERCENT LAMANG, ANG MAY SAPAT NA KAALAMAN.

TATLO SA BAWAT SAMPUNG GRADE SIX STUDENTS; AT ANIM SA BAWAT SAMPUNG ESTUDYANTE SA FOURTH YEAR HIGH SCHOOL ANG SADYANG WALANG KAALAMAN O MASTERY NG MGA BASIC COMPETENCIES NA NARARAPAT SA KANILANG ANTAS.

ANG GANITONG NAKALULUNGKOT NA KATOTOHANAN AY ISINISISI SA PAGBABA NG QUALITY OF EDUCATION DAHIL SA KAKULANGAN NG RESOURCES AT NG MGA QUALIFIED NA GURO.

PERO HINDI LAMANG IYAN ANG DAHILAN.  ALAM NATIN NA MAY MALAKING EPEKTO ANG KALUSUGAN AT NUTRITION SA KAKAYAHANG MATUTO AT SA  PERFORMANCE NG MGA KABATAAN SA PAARALAN.

KUNG TITINGNAN NATIN ANG STATISTICS SA NUTRITION, MAKIKITA ANG ISA PANG ISYU NA MAAARING NAKAKAAPEKTO NANG MALAKI SA ATING MGA MAG-AARAL.  BATANG MAY KINABUKASAN, SA WASTONG NUTRISYON SIMULAN.

HINDI LAMANG SA PAARALAN ANG PROBLEMA, KUNDI NASA HAPAG-KAINAN RIN.

HINDI LAMANG ITO USAPIN NG KALIDAD NG EDUKASYON, KUNDI KALIDAD NG NUTRITION.

HINDI LAMANG ITO TUNGKOL SA MABABANG GRADO SA NATIONAL ELEMENTARY ACHIEVEMENT TEST OR NEAT AT NATIONAL SECONDARY ACHIEVEMENT TEST OR NSAT.  TUNGKOL DIN ITO SA MATAAS NA PORSIYENTO NG PROTEIN ENERGY MALNUTRITION OR PEM, IRON DEFICIENCY ANEMIA OR IDA, IODINE DEFICIENCY DISORDERS OR IDD, AT VITAMIN A DEFICIENCY DISORDER OR VADD NA DINARANAS NG MARAMING KABATAANG PILIPINO.

BREAKING THE CHAIN OF POVERTY

KABIT-KABIT SA ISANG KADENA NG KAHIRAPAN ANG KAKULANGAN SA NUTRITION, HINDI TAMANG PAGKAIN, KAWALAN NG MAAYOS NA KAPALIGIRAN, BAGSAK NA KALUSUGAN, MALAKING PAMILYA, AT KAKULANGAN SA EDUKASYON.

TO BREAK THE CHAIN OF POVERTY, WE MUST WORK ON EACH OF THESE LINKS.

IYAN NAMAN AY GINAGAWA NG GOBYERNO SA PAMAMAGITAN NG MGA IBA'T IBANG AHENSYANG NAKATALAGANG TUMUTOK SA MGA PROBLEMANG ITO.

SUBALIT NAPAKALAKI NG MGA PROBLEMANG ITO NA NAGKAPATONG-PATONG SA LOOB NG MAHABANG PANAHON.  THESE PROBLEMS CANNOT BE SOLVED OVERNIGHT.

HINDI RIN ITO KAYANG LUTASIN KUNG ANG NATIONAL GOVERNMENT LAMANG ANG KIKILOS.

DIYAN PUMAPASOK ANG MGA LOKAL NA PAMAHALAAN AT IBA PANG SEKTOR.

NATUTUWA AKONG MAKITA NA PAGDATING SA NUTRITION AY MAY MALAKAS AT AKTIBONG SUPORTA ANG NNC MULA SA MGA LOKAL NA PAMAHALAAN, HANGGANG SA BARANGAY LEVEL.

AT NARITO NGA NGAYON ANG MGA PINAKAMAGAGALING SA HANAY NA IYAN.

KAGAYA NG SINABI KO KANINA, ANG BANSANG PILIPINAS AY HINDI GANAP NA NAKAKAAHON MULA SA ILALIM NG HIERARCHY OF NEEDS.  KAYA ANG INYONG PAGTUGON SA ISANG PANGUNAHING PANGANGAILANGAN NG MGA MAHIHIRAP AY NARARAPAT LANG NA MAGSILBING MODELO, HINDI LAMANG SA IBA PANG LOCAL GOVERNMENT OFFICIALS AT BARANGAY NUTRITION SCHOLARS, KUNDI SA LAHAT NG PILIPINO.

FACING UP THE CHALLENGE OF ADDRESSING NUTRITION PROBLEMS

SANA ANG INYONG MATAGUMPAY AT TAHIMIK NA PAGPAPATUPAD NG NUTRITION PROGRAM PARA SA ATING MGA KABABAYAN AY MAGING ISANG PAGHAMON SA IBA PA NATING KABABAYAN, LALO NA DOON SA MGA MAHILIG LANG MAG-INGAY PERO WALA NAMAN TALAGANG KONGKRETONG NAIAAMBAG SA PAG-ANGAT NG BANSA.

ANG KAILANGAN PO NATIN NGAYON AY ISANG MATATAG AT MALUSOG NA SAMBAYANAN.

KAHIT ANO PA ANG KLIMA NG PULITIKA SA BANSA, HINDI NAGBABAGO ANG KAHALAGAHAN NG KALUSUGAN PARA SA LAHAT.

IF THE PEOPLE ARE HEALTHY, OUR PRODUCTIVITY CAN BE MAXIMIZED.  AND OUR PROGRESS CAN BE ASSURED.

MAKAKAMIT LAMANG ITO KUNG TAYO AY PATULOY NA MAGKAKAISA AT MAGTUTULUNGAN.

DOON PO SA ATING AWARDEES, CONGRATULATIONS PO SA INYO. TULOY-TULOY LANG PO TAYO SA PAGTATRABAHO.

MARAMING SALAMAT AT MULI, MAGANDANG UMAGA SA INYONG LAHAT.

                                                                                   HOME |   

© Copyright 2005 Office of the Vice President (OVP)  Management Information Services Division (MISD).  All rights reserved.