Refer to: Ms. Ronadale Zapata
8332148

TURISMO, KALAKALAN TINALAKAY NI VP NOLI

SA JIANGSU, SHANGHAI

09 June 2006

TINUON ni Vice President Noli 'Kabayan' De Castro ang pagpapalakas ng turismo at kalakan sa pagitan ng Pilipinas at Tsina nang kausapin nito ang mga lokal na opisyal ng Jiangsu at Shanghai sa Peoples Republic of China.

Binisita ni De Castro ang mga opisyales ng Jiangsu nuong June 7 at mga Shanghai officials naman nuong June 9 upang ipahiwatig ang intensiyon ng Pilipinas na palawakin ang pangkalakalan relasyon ng dalawang bansa.

Hiningi ni De Castro ang tulong ng dalawang naturang probinsiya na hikayatin ang mga state-owned companies at iba pang negosyante nito na magpundar ng pagkakakitaan sa Pilipinas bilang pag-alalay na rin sa pagpapalakas ng ekonomiya ng bansa.

“For the past decade, trade between our two countries has progressed steadily, but we would like to further increase the Philippines’ share in your foreign trade.”

Pinaliwanag ni De Castro na may mga hakbang na ang Pilipinas upang manghikayat ng investments sa pamamagitan ng pagdebelop ng imprastraktura, pagpapadali ng mga proseso, at pagpapakilala ng mga reporma sa polisiya upang magkaroon ng investment-friendly environment.

Partikular na tinukoy ni De Castro ang motor vehicle parts at components, electronics, textile manufacturing at agrikultura kung saan mas kinakailangan ng Pilipinas ang Chinese investments.

Binanggit din ni De Castro ang “high-quality professional services sa information technology, engineering, architectural design and construction management.

“The Philippines recognizes our countries’ strengths in those areas, and I hope that businessmen from both sides would explore opportunities in the two countries,” he said.

Sa kanyang pagkikipagtalakayan, ipinaabot din ni De Castro ang intensiyon ng Pilipinas na palakasin ang kooperasyon nito sa Tsina pagdating sa information exchange at investment promotion networking sa tulong ng mga importanteng ahensiya at institusyon ng mga Chinese provinces at siyudad.

Sa turismo, nanawagan naman ang pangalawang pangulo sa mga Intsik na itaas ang Pilipinas bilang tourist destination. Kailan lamang ay binigyan ng China ang Pilipinas ng Approved Destination Status (ADS) habang nilalakad naman ng bansa ang mga visa requirements ng mga Chinese tour groups upang mapaintig ang kampanya ng turismo sa Tsina.

“Maybe our local travel agents can forge ties with their counterparts in Jiangsu and Shanghai to spur tourism traffic between the Philippines and their respective destinations,” De Castro said.

Dahil na rin sa ang Tsina ay may mabuting "sister-city relationship" sa Pilipinas na nagiging epektibong paraan upang mapasigla ang relasyong pangkalakalan at turismo, umaasa si De Castro na magkakaroon ng sister province ang Jiangsu sa Pilipinas kung saan ang naturang palitan ay posibleng mapagusapan ng magkabilang panig.”

Ref no. VPMEDIA 06-064