Refer to: Ms. Dale Zapata 83321148

PABAHAY PARA SA KAPULISAN SINUPORTAHAN NI VP NOLI

16 May 2006

HINIMOK ni Vice-President and Housing and Urban Development Coordinating Council (HUDCC) concurrent chairman Noli 'Kabayan' De Castro ang kapulisan na pangalagaan ang mga bahay na ipinagkaloob sa kanila ng gobyerno katulong ang mga non-government organizations katulad ng kanilang pangangalaga sa bayan.

MOA signing by HUDCC, DOF and partner agencies. Preparations for the housing project in San Miguel, Bulacan are underway after the recent signing of the Memorandum of Agreement by the Housing and Urban Coordinating Council, headed by Vice President Noli “Kabayan” De Castro and the Department of Finance with partner agencies for the project, namely, the National Housing Authority, Bangko Sentral ng Pilipinas and the Manila Banking Corporation. The housing project is intended to benefit government employees, teachers and the police force. Present were: Federico Laxa, General Manager, National Housing Authority, Atty. Rene Carreon, Bangko Sentral ng Pilipinas, Vice President Noli De Castro, Roberto Tan, Undersecretary, Department of Finance, Dave Puyat, Director, Manila Banking Corp., and Atty. Benjamin Yambao, Director, Manila Banking Corp. (5/15/06)

Sa MOA signing ng Pulis Kalinga Macabulos Pilot Housing Project sa Camp Macabulos, Tarlac kamakailan, sinabi ni De Castro na ang naturang pabahay ay isang patunay na hindi pinababayaan ng gobyerno ang tungkulin nito na mabigyan ng mahahalagang pangangailangan ang mga miyembro ng Philippine National Police (PNP).

Bagamat naunang nabigyan ng pabahay ang mga naninirahan sa riles, sinabi ni De Castro na nakahanay sa mga prayoridad ng pamahalaan ang pabahay ng mga pulis at sundalo pati na rin ang iba pang mga government employees tulad ng mga guro.

"Nagkataon lamang na may mahalagang proyekto ang pamahalaan sa railway system ng bansa kung kaya't naunang asikasuhin ang mga maapektuhan nito sa ating mga riles," ani De Castro.

Ibinunyag ni De Castro na ang housing project ay konsepto ng PNP sa pamamagitan ng personnel housing assistance program nito sa tulong ng Gawad Kalinga. Aniya, sinuportahan ito ng gobyerno sa pamamagitan ng Proclamation No. 607 na pinirmahan naman ni Pangulong Gloria Macapagal Arroyo. Ang 6.28 ektaryang lupa na gagamitin sa proyekto ay itinakda ng naturang proklamasyon, dagdag pa ni De Castro.

Sinabi rin ni De Castro na ang pagdebelop ng lupa ay popondohan ni Congressman Noynoy Aquino sa halagang P3.136 million samantalang ang 50 bahay ay inisponsor naman ng Gawad Kalinga sa pakikipagtulungan ng Tarlac local government, PNP at National Housing Authority (NHA).

Gayundin, magbibigay din ng donasyon sa halagang P6 million ang AFSLAI para sa paggawa ng karagdagang 200 bahay na magkakahalaga ng P60,000 bawat isa.