MAS MABABANG REMITTANCE CHARGES                                                       PARA SA OFWS HINILING NI VP NOLI

08 May 2006

 

HINILING kahapon ni Vice President at Palace Adviser for Overseas Filipino Workers (OFWs) ang mas mababang  singil ng mga bangko sa mga perang padala ng mga OFWs.

Vice President and Palace Adviser for OFWs Noli ‘Kabayan’ De Castro has urged banks to further lower remittance charges for OFWs and to establish more remittances centers abroad. Seen above is De Castro listening to the problems of an OFW in Kuwait during his trip last March.

Bukod dito, umapela rin ang bise president na damihan pa ang mga bangko kung saan maaaring idaan ang mga remittance ng OFWs dahil na rin dami ng nagpapadala ng pera sa kani-kanilang pamilya dito sa Pilipinas.

 
Ayon kay De Castro, mas malaki ang mapapadalang pera ng mga OFWs sa kanilang pamilya kung bababa pa lalo ang singil sa remittance. Sa ganitong paraan, mas gagamitin din ng mga OFWs ang mga pormal na paraan ng pagpapadala ng pera kesa piliin ang black market.

 
Base na rin sa rekord ng Bangko Sentral ng Pilipinas, umaabot sa 2.9 percent ang singil ng mga bangko kapag nagpapadala ang mga ito ng pera mula sa US papunta dito sa bansa samantalang 2.75 at 2.18 percent naman kapag galing ng Kuwait at United Arab Emirates.

 
"For example, nasa P600 ang binabayad ng isa nating OFW kung magpapadala siya ng  $400 remittance mula sa US hanggang dito sa bansa. Pero mas mababa pa rito ang sinisingil ng mga black market kaya naman dito nila pinapadaan ang kanilang mga perang padala," ani De Castro.

Vice President and Palace Adviser for OFWs Noli ‘Kabayan’ De Castro has urged banks to further lower remittance charges for OFWs and to establish more remittances centers abroad. Seen above is De Castro discussing various problems and concerns with some members of the Filipino community in Kuwait during his trip last March.

Kasabay nito, nakita rin ni De Castro ang suliranin ng mga OFWs ukol sa kakaunting bilang nga mga bangko na nagsisilbi para sa kanilang mga remittances. Aniya, mas makakabuti kung may mas malawak na international banking network ang sasalo sa mga remittances ng mga OFWs na nasa iba't-ibang bansa. 

 
"Sa ngayon kasi, kailangan pang tawarin ang mga bayan ng isang bansa para lamang makapagpadala ng pera sa kanilang mga pamilya. Sana naman ay maresolba ng ating mga bangko ang problemang ito," paliwanag ni De Castro.

 
Sinabi ni De Castro na ang kanyang panukala ay parehong pakikinabangan ng OFW at ng mga bangko dahil bukod sa mas maraming perang tatanggapin ng mga pamilya dito sa bansa, dadami rin ang tatangkilik sa serbisyo ng mga bangko na ikalalago naman ng kanilang negosyo.  

 
Sa kabila nito, pinapurihan ni De Castro ang mga OFWs dahil sa kanilang kontribusyon sa ekonomiya ng bansa nuong nakaraang taon kung kailan sumigla ang remittances ng 25 percent sa halagang $10.8 bilyon.

 

                                                                                            HOME |