PABAHAY PARA SA SCOUT RANGERS SISIMULAN NA NI KABAYAN

27January 2006

Sisimulan na ng Housing and Urban Development Coordinating Council (HUDCC) sa pamumuno ni Bise Presidente Noli “Kabayan” De Castro ang proseso para mabilis na maipatayo ang First Scout Rangers Village Housing Project sa Camp Tecson, San Miguel, Bulacan.

Agreement signed for Scout Rangers Housing Project. Vice President Noli “Kabayan” de Castro applauds the formal turnover of the signed Memorandum of Agreement between Dave Puyat, Director, Manila Banking Corporation, and General Danilo Lim, Commanding General, First Scout Ranger Regiment. The Agreement provides for the development of a 50-hectare land area donated by the Manila Banking Corporation and the Puyat family for the housing needs of officers and enlisted men of the AFP-First Scout Ranger Regiment (AFP-FSRR) through its Scout Ranger Multi-Purpose Cooperative.  The project, which will be known as the First Scout Ranger Housing Village, will benefit 1,476 officers and personnel of the AFP-FSRR.  Looking on are Benjamin Yambao, President, Manila Banking Corporation, Atty. Romulo Fabul, Commissioner, Housing and Land Use Regulatory Board, and San Miguel Mayor Pop Buencamino (partially hidden). (photo by: Patricio Roel Pira)

Ito ang sinabi ng Bise Presidente matapos lagdaan sa loob mismo ng kampo ang Memorandum of Agreement sa pagitan ng Manila Banking Corporation, HUDCC, Department of Budget and Management (DBM), National Housing Authority (NHA), First Scout Ranger Regiment Multi-Purpose Cooperative (FSRRMPC) at Pag-IBIG Fund para sa nasabing proyekto.
 

“Kami po sa HUDCC ay makikipagtulungan sa Manilabank para maisaayos ang pagsasalin ng lupa sa NHA, na siyang mamamahala sa pagde-develop nito,” ani Kabayan.
 

Ang Manilabank at pamilya Puyat ay libreng nagkaloob ng 50-hektaryang bahagi ng lupang pag-aari ng bangko para patayuan ng proyektong pabahay para sa mga tauhan ng First Scout Rangers.
 

“Napakalaki po ng papel ng ating partner mula sa private sector, dahil kalahati ng proyektong ito ay nasolusyunan ng kanilang donasyong lupa, kaya malaki po ang pagpasalamat natin sa Manilabank at sa Puyat family” ayon pa sa Bise Presidente.
 

Sinabi ni Kabayan na sa paglalagda ng kasunduan ay pormal nang sisimulan ng NHA  sa ilalim ng superbisyon ng HUDCC ang proseso ng bidding para sa pagpili ng pribadong developer na magsasagawa ng proyektong ito sa pamamagitan ng isang joint venture program.
 

Maglalaan ang DBM ng P200 milyong pondo para sa pagdedevelop ng nasabing proyekto, samantalang ang Pag-IBIG Fund naman ay magbubukas ng special window para sa mabilisang pagpoproseso ng housing loan ng mga kwalipikadong benepisyaryo mula sa First Scout Rangers.
 

Ayon din kay De Castro, ang proyektong ito ang pinakabago sa mga isinasagawa ng gobyerno para sa mga sundalong Pilipino.

May mga proyektong pabahay din ang HUDCC at Department of National Defense sa Cagayan de Oro, Camp Aquino sa Tarlac, Camp Tinio sa Cabanatuan, Camp Riego de Dios sa Cavite, Fort Del Pilar sa Baguio, Bonifacio Heights sa Taguig, at Fort Magsaysay sa Nueva Ecija.

"Tuloy-tuloy pa rin ang pagpoproseso para maiproklama ang bahagi ng ilan pang lupa ng gobyerno bilang off-base housing sites.  Kaya may balita man o wala tungkol sa kudeta, gagawin pa rin namin ang tungkulin na mabigyan ng pagkakataon ang mga sundalo ng bayan na magkaroon ng bahay at lupa." dagdag pa ni Kabayan.

                                                                                            HOME |